INFORMACIÓN COMPLEMENTARIA

1. As peticións de parcela deberán conter todos os documentos obrigatorios descritos no Impreso de Petición.
2. O Plan de Empresa ou Memoria é un dos requisitos imprescindibles para formular peticións de parcelas. O seu obxectivo é a descrición detallada do proxecto da empresa a implantarse no solo solicitado. Por se fose de utilidade, propoñemos a continuación uns puntos básicos ou indicacións, co fin de facilitar a descrición do mencionado proxecto de empresa e que, entendemos, deberían recoller na Memoria ou Plan de Empresa.
   • Actividade que se vai desenvolver na parcela. Descrición. Nova actividade, ampliación ou traslado.
   • Xustificación da necesidade.
   • Construción. Superficie, tipo edificación e datas .
   • Emprego. Man de obra actual. Xustificación. Previsións futuras.
   • Investimento na construción, instalacións, maquinaria.
   • Tecnoloxías e medio ambiente. Achegas que se van incorporar.
   • Experiencia. Antecedentes na actividade empresarial.
   • Potencia de electricidade estimada como necesaria.
   • Descrición de calquera outro tema considerado de interese.
   • Achega doutros xustificantes que se consideren de interese para acreditar a descrición.
3. Tramitación. SEPES emitirá o documento de venda correspondente, caso de resultar adxudicatario da parcela, ao titular sinalado na petición e coas condicións de pago que decidira de entre as que SEPES ten establecidas, segundo impreso de Modalidades de Pago. A titularidade non poderá modificarse con posterioridade ao momento da solicitude, polo que a petición de parcela deberá levar un titular definido, ben sexa persoa física ou sociedade. A compravenda deberá cubrirse no prazo de 30 días naturais -contados desde a data do Rexistro de Saída de SEPES- cos ingresos de entrega inicial e IVA para as operacións con prezo aprazado e cos ingresos de prezo de compravenda e IVA para as de contado. Para as operacións de contado con pago á firma da escritura, deberán ingresar o 10% do prezo dentro do prazo dos 30 días naturais sinalados na oferta. Transcorrido o prazo para perfeccionar a compravenda cos ingresos correspondentes sen ter efectuado a aceptación, esta quedará nula e sen efecto ningún e con perda da fianza.