BREVE VISIÓN HISTÓRICA DE NARONTERRA SEGUNDO DIVERSOS TRABALLOS DO HISTORIADOR NARONÉS ANDRÉS PENA.

No 1837, sobreposto a oito freguesías da Terra de Trasancos (Narón, Xuvia, O Val, Castro, Sedes, Pedroso, Doso e Trasancos) e tomando o nome da parroquia onde se establece a sede municipal constitúese, en Pena Embade, o Concello de Narón, sendo o primeiro secretario D. José Lestache, fillo de D. Juan Lestache natural de Francia, introdutor coa Real Fábrica de fariñas da Ponte de Xuvia e dos muíños industriais galegos no século XVIII, e o alcalde primeiro don Fructuoso de la Grela.