|
Desde o Servizo de Normalización Lingüística do Concello de Narón, dependente da Concellaría de Educación, poñemos en marcha a campaña Felicita o Nadal en galego! co fin de promover o emprego da lingua galega entre a cidadanía.
Cando se achegan estas datas tan sinaladas é tradición enviar unha postal aos nosos seres queridos para felicitarlles as festas e a entrada no novo ano. Hoxe en día, grazas ás novas tecnoloxías moitos e moitas optamos polas sms ou por postais electrónicas a través do e-mail para mostrarlles o noso cariño.
Sexa cal sexa a vosa opción, poñemos ao voso alcance diferentes alternativas para que elixades a que máis vos guste e animámosvos a que felicitedes o Nadal en galego. Podedes escoller:
Podedes realizar as vosas consultas no teléfono 981337700 ext 1516 ou 607223794 (Adela) ou a través do correo a.pita@naron.es. Ademais, estamos á vosa disposición para corrixir ou traducir ao galego os textos que vós compoñades para enviar aos vosos familiares e amizades.
Este Servizo de Normalización Lingüística foi creado a través dun convenio de colaboración coa Deputación da Coruña denominado "Programa de cooperación cos concellos da provincia da Coruña, para a creación ou mantemento dos servizos de normalización lingüística, anualidades 2009-2011".
María del Carmen Espada Cortizas
Concelleira de Educacación
|
