Narón, 4 de Xullo de 2008.- A Concelleira de Maiores e Igualdade de Narón, Mª del Carmen Espada, entregou hoxe no Concello os diplomas acreditativos ás 48 mulleres que participaron durante este ano nos cursos de Cultura Básica (30 asistentes) e Organización e Xestión Familiar (18 asistentes), promovidos polo goberno municipal dende fai 16 anos.

A Responsable da área sinalou a enorme satisfacción que supón para o Concello o poder dar unha formación complementaria a estas mulleres, que moitas veces por circunstancias personais ou familiares non tiveron a oportunidade de aprender anteriormente. Tamén o Alcalde, Xoán Gato, sumouse ó acto no que a alumna de maior idade leeu un poema agradecendo á profesora dos cursos e ó Concello de Narón a labor de formación que presta a este colectivo social.

O Rexedor destacou a importancia destos cursos “nos que dende o ano 1992 non só se ensina ás mulleres a ler, senón tamén a saber interpretar a realidade a través dos medios de comunicación, por exemplo, para poder ter unha visión o máis ampla posible do mundo no que vivimos”, dixo. Xoán Gato recalcou ademáis que “os que somos maiores temos que estar reciclándonos constantemente, sobre todo pola sociedade tan avanzada na que vivimos, especialmente no tocante ás novas tecnoloxías”, concluíu.