Estimados/as veciños/as,

Como ben é sabido por todos/as, o vindeiro 18 de xaneiro comezará o apagón analóxico do sinal de televisión e só se poderá ver a televisión dixital terrestre.

O Concello de Narón está colaborando coa Secretaría Xeral de Comunicacións e para a Sociedade da Información do Ministerio de Industria, Turismo e Comercio na divulgación da información das axudas previstas para colectivos en risco de exclusión.

Dadas as características dos colectivos que se poden beneficiar desta iniciativa, e que os equipos entréganse actualmente na Xefatura Provincial con sede na cidade de A Coruña, a Concellería de Novas Tecnoloxías tramitará as solicitudes e, en representación dos solicitantes, recollerá os equipos para a súa distribución.

Dende aquí pódense descargar os requisitos, a documentación necesaria e os impresos para solicitar o equipo sintonizador de TDT.

Data límite para a presentación de solicitudes: 25 de marzo de 2010

Atentamente,

Paloma González Cuevas

CONCELLEIRA DELEGADA DE NOVAS TECNOLOXÍAS