O Concello de Narón dispón dun Servizo de Normalización Lingüística, indispensable no proceso de recuperación e dinamización da lingua galega. O obxectivo principal deste departamento pasa por incrementar o uso e o prestixio da nosa lingua en todos os ámbitos do termo municipal.

Este departamento, á parte do seu labor interno, tamén lle presta o seu servizo a calquera persoa particular, empresa, asociación ou entidade que o demande, tanto de asesoramento lingüístico coma de tradución e corrección de textos. Entre as funcións que desenvolve atópanse as de dinamización, asesoramento e formación lingüística.

Este servizo foi creado a través dun convenio de colaboración coa Deputación da Coruña denominado “Programa de cooperación cos concellos da provincia da Coruña, para a creación ou mantemento dos servizos de normalización lingüística, anualidades 2009-2011”. Ademais, o Servizo de Normalización Lingüística tivo unha achega económica da Federación Galega de Municipios e Provincias (FEGAMP) mediante o convenio de colaboración entre a Consellería de Educación e Ordenación Universitaria da Xunta de Galicia e a FEGAMP para a realización de actividades en materia de normalización lingüística nas entidades locais de Galicia durante o ano 2009.

Se tes algunha dúbida sobre o funcionamento deste servizo ou desexas obter información adicional podes poñerte en contacto co SNL a través deste mail: a.pita@naron.es; ou ben por teléfono nos seguintes números: 981 33 77 00 (extensión 1516)- 607223794; ou dirixirte persoalmente á Casa do Concello (5ª planta). Preguntar por Adela.

• Mellorar a calidade lingüística e comunicativa da administración.
• Resolver dúbidas lingüísticas.
• Elaborar e recomendar materiais específicos, atendendo ás necesidades dos departamentos.
• Elaborar modelos de documentos da administración (formularios, cartas, actas, nóminas, facturas, etc.).
• Asesorar a administración en todo o relacionado coa política lingüística.
• Colaborar coa administración para determinar os perfís lingüísticos necesarios en cada un dos postos de traballo e colaborar nas probas e procesos selectivos para que se avalíen convenientemente os coñecementos lingüísticos por parte dos/das aspirantes.

• Asesoramento lingüístico.
• Corrección de textos.
• Tradución de textos breves.
• Asesoramento sobre dereitos lingüísticos.

• Planificar, xestionar, executar e avaliar accións a prol da lingua galega no ámbito de influencia da entidade.
• Fomentar o emprego do galego no ámbito socioeconómico e, en xeral, en todos os sectores de importancia para a súa repercusión social.
• Planificar e propoñer actividades que conciencien á sociedade respecto ao uso da lingua galega.

• Planificar, xestionar, coordinar e difundir a realización de cursos de lingua galega, xerais e específicos, para a poboación en xeral ou para sectores concretos.
• Difusión de materiais, tanto na propia administración como á cidadanía en xeral, que contribúan á tarefa normalizadora: dereitos lingüísticos, lexislación, recursos lingüísticos que axuden ao traballo en galego, etc.

• Información sobre iniciativas e axudas para a galeguización do sector socioeconómico por parte das diferentes administracións.
• Información sobre campañas dinamización lingüística realizadas no concello dirixidas ao ámbito socioeconómico.
• Información sobre produtos informáticos en galego para as empresas.
• Información sobre recursos lingüísticos existentes en lingua galega (dicionarios, glosarios, correctores, ligazóns de interese…)
• Solución a calquera consulta lingüística.
• Revisión de textos breves das súas campañas publicitarias e rotulación, así como das páxinas web.
• Asesoramento sobre a elaboración de documentación en galego.
• Asesoramento sobre lexislación lingüística.
• Asesoramento para a capacitación lingüística do persoal para acadar unha mellor comunicación co cliente.

O Centro de Documentación Sociolingüí­stica de Galicia organiza os XII Encontros para a Normalización Lingüí­stica os días 23 e 24 de setembro de 2010.
Para máis información prema aquí.

• Lexislación da lingua galega: páxina na que podedes atopar toda a información relacionada cos dereitos lingüísticos na nosa comunidade.
  http://www.xunta.es/linguagalega/lexislación_0
• Manuais de galego: atoparedes manuais de ortografía, léxico, linguaxe administrativa e documentación administrativa.
  http://www.xunta.es/linguagalega/manuais_de_galego
  http://www.xunta.es/linguagalega/arquivos/normasrag.pdf

• Dicionario da Real Academia Galega: (non adaptado á nova normativa)
  www.edu.xunta.es/diccioarios/BuscaTermo.jsp
• Dicionario Ir Indo: é moi completo e contén numerosos termos de linguaxe administrativa.
  www.digalego.com
• Novas tecnoloxías: inclúe dicionarios en rede, tradutores, correctores,...
  http://www.xunta.es/linguagalega/o_galego_nas_novas_tecnoloxias
• Recursos lingüísticos da Deputación da Coruña: inclúe dicionarios en rede, tradutores, correctores,...
  http://www.recursosparaogalego.com/

• Secretaría Xeral de Política Lingüística: atoparedes información sobre lexislación lingüística, recursos lingüísticos, cursos Celga e de linguaxe administrativa, campañas de normalización e dinamización lingüística…
  http://www.xunta.es/linguagalega
• Centro de documentación sociolingüística de Galicia: podes obter información sobre todo tipo de documentación relacionada co proceso normalizador.
  http://www.consellodacultura.org/arquivos/cdsg
• Coordinadora de traballadores/as de normalización da lingua: poderás informarte de todas as actividades normalizadoras que se están a levar a cabo.
  http://www.ctnl.org/web/portada.php