Con esta urbanización preténdese dotar de servizos e abrir unha rúa de nova apertura próxima ás Viñas na parroquia naronesa de O Couto.

Trátase dunha zona en clara expansión urbana na que se están a executar importantes asentamentos residenciais que contrastan co carácter semi rural de boa parte deste territorio.

O importe estimado deste proxecto alcanza os 227.956,09 euros e, unha vez se produza a súa efectiva contratación, o prazo da actuación fíxase en seis meses.